展品仲有個天秤,上面一邊係個假眼球,一邊係啲假錢,曲太解釋話,案中有受保人搞到失明,但係所獲報酬只係萬幾蚊,「好似錢比隻眼重要咁,法官都話駭人聽聞」。佢又話,拘捕集團主犯時,發現係用個飯盒裝住啲假身份證,所以展品裏面都有個類似嘅飯盒。其他首次展出嘅案件仲有飲食業貪污案等。今年去開放日嘅市民仲會首次獲贈參觀證,可以貼上廉署各部門貼紙。
為免市民輪候,今年廉署派飛有新安排,即日起可上網或親身索取申請表,每人最多申請四張入場券,仲要揀埋參觀時段,交回或者寄回申請表,該署會電腦抽出3,000個市民派飛。
mailto:
[email protected]