賭王何鴻燊嘅四姨太梁安琪,日前透露18歲女兒超盈返緊暑期工,前日記者亦都拍到超盈去中環嘅TheSwank時裝店,揀選偏成熟嘅服飾,原來因為超盈𠵱家喺高等法院任職法官秘書,難怪要刻意打扮成熟。
賭王日理萬機,一班何家子女含住金鎖匙出世,實在無比幸福。雖然超盈肯出去打暑期工捱世界,由低做起,但佢返工有司機接送,仲有保鑣護航,一樣架勢。
噚日超盈如常到高院上班,傍晚6點放工後,佢即刻戴番副黑超,會合一名女友人坐上七人車,由太古廣場去太子大廈。手挽Herm囗sBirkin袋、着恤衫西褲嘅超盈一身大人打扮,落車時乍見記者連隨報以微笑,表現大方淡定,至於同行保鑣就全程mark實,為少主護航。