今年唔少功能組別都有泛民猛將出戰，好似體育、演藝、文化及出版界咁吖，現任議員馬逢國似乎冇乜幫到業界，除非開口嘅係阿爺啦，難怪有樂壇長毛之稱嘅音樂創作人周博賢都話要參選挑機。

既然有人肯為大局犧牲，傘兵之一嘅灣仔區議員楊雪盈都鼎力相助，雪盈BB今日喺遊行期間就落力幫周博賢派發宣傳單張，佢話呀，7.1遊行係展示公民力量重要機會，係每個港人各自發聲嘅日子，「一定要行出來支持」。

林榮基因為受到威嚇唔能夠上街，令雪盈BB好有感觸，強調「更加係要行出嚟嘅重要理由」。佢話今次7.1遊行街站數目史無前例咁多，反映市民以不用方式表達訴求嘅力量，越來越多。