根據申報,阿基最大一筆開支用喺選舉聚會,共涉款10.8萬,當中主要用喺民主動力舉行嘅民主派初選,包括委託港大進行民意調查同埋舉行實體投票等;另一筆超過10萬元嘅開支就用作招聘選舉助理等,助理工作有開街站同打電話催票。
選舉廣告方面,阿基用咗6萬幾蚊,有萬幾蚊喺拍片同賣廣告,相信大家對「政壇李克勤」條片,記憶猶新。而喺民主派初選嘅實體投票佢獲得2,036票,唔知佢覺得呢29萬使得值唔值?
至於用咗2.3萬嘅蔡東洲,分別以1.6萬印咗100張橫額,其餘近7,000蚊開支亦都同橫額有關,因為佢選舉後無按法例拆走橫額,要向食環署繳交罰款!