雨僑畀老闆蕭定一反對同羅力威拍拖，蕭仲毫不留面稱羅力威做「二打六」，雨僑同蕭定一o尋晚在灣仔出席《天生愛情狂》慶功時面阻阻，雨僑話﹕「如果佢係二打六，我就係二打七，我唔鍾人o地咁稱呼我朋友。」雨僑坦言唔希望畀公司雪藏，現階段以事業為先。

而蕭定一則暗示被人打壓，佢話﹕「作為同行應撇開門戶之見，互相扶持。我唔鍾意人假，一係就認，做男人要有承擔。」