韓國神劇《太陽的後裔》嘅主角宋仲基同宋慧喬，因為拍劇而傳出緋聞，兩人雖然多次否認緋聞，但粉絲仍不時將兩人視為一對。

早前兩人因為前後腳離開印尼峇里島而再次傳出緋聞(相關新聞連結： http://bit.ly/2s9Rv7q )，事後雙宋方面否認同遊峇里，強調事前並不知對方喺峇里(相關新聞連結： http://bit.ly/2tIvnDj )。雖然當事人已經否認，但韓國節目《Section TV演藝通信》就將二人擺上枱，由於有粉絲指雙宋同住一間酒店，所以節目飛到當地進行實地採訪，勢要搵到「愛的鐵證」，當中節目仲去到喬妹下榻嘅酒店進行採訪，研究雙宋喺呢幾日做咗啲乜。

根據節目所指，喬妹比宋仲基更早抵達遊峇里，而喬妹喺宋仲基抵達後亦即換酒店，同時節目亦根據喬妹嘅Instagram搵到喬妹下榻嘅第二間酒店，呢間酒店一晚索價約6,850港元，亦有訪問度假屋嘅職員，詢問雙宋入住後嘅情況，該名員工指：「那個男人用口罩遮住臉部，退房時先認得佢。

而完整訪問內容就要下星期先有得睇，有網民就批評節目侵犯藝人私隱，有博宣傳之嫌。