吹啊吹 讓這風吹.......無錯又係小鳳姐，繼2016年小鳳姐紅館演唱會遇上颱風「妮妲」，原定8月1日舉行嘅演唱會要改期，小鳳姐於本周日假紅館舉行的《金光燦爛徐小鳳演唱會2018》尾場，再受來勢洶洶的超強颱風「山竹」影響，或許要面臨改期。

受「山竹」直撲影響，唔少活動都預先宣傳改期，如鄭伊健、陳小春等人主演的電影《黃金兄弟》，本來周日晚在沙田舉行首映禮，噚日電影公司已宣布改期至下周二（18日），張敬軒嘅簽名會亦都決定改期，但小鳳姐嘅紅館演唱會就未有任何新安排公布。

今日《蘋果》聯絡過演唱會公關，對於演唱會是否會改期或取消？公關回應謂：「我們將會依照主辦提出的要求作安排，暫時沒改變，免訊息混亂，但天文台有更實際的指示時，我們會即時發出通知及新聞稿。」

精選娛聞，喺晒《娛果》
http://fb.com/appledailyent