當年今日
關於我們

【男人40】黃心美爆王貽興自戀 社交網貼赤膊相騷腹肌

蘋果日報 2019/11/23 15:00

赤膊自戀王貽興黃心美

黃心美接受香港開電視節目《開工大吉77》訪問,她拿着平板電腦快問快答,大爆與40歲才子王貽興開工時非常「姿整」,貪靚程度近乎自戀,黃心美說:「貽興平時都係化好妝先到現場,加上又成日上載啲做gym唔着上身衫嘅相,所以好明顯,佢去到極度自戀嘅程度,今次同佢拍《男士堂》都好開心。」王貽興的facebook昨日真的貼出八嚿腹肌相片,他對鏡自拍後留言:「咬緊牙關,忍耐痛楚,沉默地,一分一寸地,向着成功進發,曙光很快到來。」王貽興的成績不錯,抵他自豪。
心美表示訪問男士中,她發現男士的興趣比女士更多,令她大開眼界,並說:「最記得有一次拍攝一個收藏家,佢儲咗好多架古董車,架架都幾百萬,跟住我問佢平時揸咩車代步,佢話自己揸架豪華Van出入,仲話理想同現實係好多差別。」
心美雖然經常要扮靚出鏡,但自問不是購物狂,她說:「拍攝都收到好多禮物,平時我好忍手唔shopping,反而幕後同事因利乘便,佢哋好瘋狂,有一個一次過買咗七部相機,冇啦啦幫襯咗張大單!」
-----------------------------
《迪士尼公主大世界》
14位公主一書睇晒
-----------------------------
【撐學生】
召集有心人 撐學生全年睇《蘋果》
立即按此