韓劇《太陽的後裔》男星宋仲基去年10月跟宋慧喬結婚後，雖然一直忙於新婚生活，不過oppa未有忘記粉絲，噚日就於首爾舉行出道十週年紀念粉絲見面會，更獲好友李光洙、《太陽的後裔》男星金敏碩、2PM嘅俊昊等人現身撐場。

完成見面會後，宋仲基就於所屬事務所嘅官方Instagram開直播，再次感謝粉絲嘅支持，表示因為好耐冇開見面會，而且係婚後首個見面會，所以有啲緊張。不過唔玩Ig嘅宋仲基，一開始時就問：「呢個點用嘅呢？」而且唔多識自拍嘅佢，多次調整鏡頭位置，非常可愛。

另外，噚日有一名男粉絲被抽中上台跟宋仲基合照，事後男粉絲亦於Ig公開跟宋仲基嘅相。

更多韓流，喺晒《娛果》
http://fb.com/appledailyent