立法會議員黃毓民涉向特首梁振英掟杯案，黃毓民大聲質疑梁「你睇唔到邊個但又知有人阻住你？」又要求梁不斷重複觀看片段，質問「邊有議員阻住你呀？」裁判問皺眉指「唔使咁大聲，細聲啲」，黃則解釋指「因為亢奮，所以大聲咗。」

就第一次掟紙舉動，黃指梁當時正在低頭，梁回應從畫面中看不清自己是否低頭。黃又追問要求他重複觀看片段，梁始改口「呢一霎那，從呢個角度睇，我有可能係低頭，亦有可能係側頭睇緊啲紙嘅方向。」

黃隨即指其實在掟紙一刻梁根本沒有任何反應，梁不同意，指「我有可能係望緊啲紙，有可能係拎緊文件」。梁隨即遭質疑視力有問題，梁指自己有近視，當被問及是否有老花時，梁指「因為我帶隱形眼鏡，所以我無老花。」