地產多聲道：張奕威筆戰認低威
蘋果日報 2004/06/08 00:00
上個禮拜蘭西講過，中原股東王文彥，與夥計執行董事張奕威，喺中原網頁筆戰，原來重有下文。
話說張回應文章出街後，王股東上周六出第二招，話中原廣告所謂，鰂魚涌太古城成交宗數，市場佔有率有一半，呢樣係吹水，建議搵埋美聯，一齊請地監局做證人，三口六面對證，然後將結果公告天下。
張執董噚日接招，竟然承認中原吹大太古城市場佔有率。張話因為要同對手鬥，係「人在江湖」，喺呢方面認輸，但睇唔過眼王用咁嘅手法，抬舉自己怡居地產佔有率。張反建議，搵行內地位崇高嘅香港地產代理商總會永遠名譽會長倫志炎做公證。
執董話，王手揸四成半中原股份，竟然要搞踢爆，令人莫名其妙，為咗中原二千員工飯碗，惟有頂硬上應戰。對於王係都要拖中原落水，張奕威話第一回合認輸，會唔會繼續就睇對方，但強調「落場無父子」。咁王文彥點呢？
羅林渭出貨賺兩百萬
利嘉閣前常務董事羅林渭，出售利嘉閣畀中原套現後，暫時專注買買賣賣物業，不時聽到佢入市出市消息。世紀21分行經理張勵山話，羅林渭啱啱賣出西貢慶徑石單號F半獨立洋房，賺兩百萬。
間屋二千一呎、連三千呎花園，羅林渭舊年底用四百五萬買入，現以六百五萬沽出，半年執二百萬。佢原本諗住放八百萬，但冇人接，減至六百五萬，終於由外籍客買咗。
買家係公司董事，喺西貢竹洋路有自置物業，剛賣咗，所以搵番件，睇咗三個禮拜就落實。
今年以嚟，羅林渭賣咗幾件貨，二月以八百五萬，賣出西貢浪濤苑洋房，又以一百八十萬，賣咗沙田富豪花園雅仕閣高層D室。
話說張回應文章出街後，王股東上周六出第二招，話中原廣告所謂，鰂魚涌太古城成交宗數，市場佔有率有一半，呢樣係吹水，建議搵埋美聯，一齊請地監局做證人，三口六面對證，然後將結果公告天下。
張執董噚日接招，竟然承認中原吹大太古城市場佔有率。張話因為要同對手鬥，係「人在江湖」，喺呢方面認輸，但睇唔過眼王用咁嘅手法，抬舉自己怡居地產佔有率。張反建議，搵行內地位崇高嘅香港地產代理商總會永遠名譽會長倫志炎做公證。
執董話，王手揸四成半中原股份，竟然要搞踢爆，令人莫名其妙，為咗中原二千員工飯碗，惟有頂硬上應戰。對於王係都要拖中原落水，張奕威話第一回合認輸，會唔會繼續就睇對方，但強調「落場無父子」。咁王文彥點呢？
利嘉閣前常務董事羅林渭，出售利嘉閣畀中原套現後，暫時專注買買賣賣物業，不時聽到佢入市出市消息。世紀21分行經理張勵山話，羅林渭啱啱賣出西貢慶徑石單號F半獨立洋房，賺兩百萬。
間屋二千一呎、連三千呎花園，羅林渭舊年底用四百五萬買入，現以六百五萬沽出，半年執二百萬。佢原本諗住放八百萬，但冇人接，減至六百五萬，終於由外籍客買咗。
買家係公司董事，喺西貢竹洋路有自置物業，剛賣咗，所以搵番件，睇咗三個禮拜就落實。
今年以嚟，羅林渭賣咗幾件貨，二月以八百五萬，賣出西貢浪濤苑洋房，又以一百八十萬，賣咗沙田富豪花園雅仕閣高層D室。
樓市淡靜，原因係業主唔肯減價，買家又唔肯追價，不過，間中見到有投資者成功沽貨獲利。好似屯門海典軒，就錄得摸貨成交，執十五萬。個單位之前已經摸過一轉。
中原高級分區經理周彩霞話，海典軒一座中層F，六一七呎，舊年七月以一零八萬成交，今年三月以一二五萬摸出，執十七萬。最近以一三六萬摸出，賺十五萬。由於今次都係由投資者承接，周彩霞估計，個單位遲啲會第三度摸出，睇怕可以成為紀錄。
近排各大小地產代理開舖，隔幾日就一單，淨係利嘉閣，頭五個月開咗唔少分行，下半年重要開多二十幾，先至達到年初目標，分行總數一百間。
次次開舖，都係剪綵、切燒豬、後開香檳，冇新意。利嘉閣噚日大潭紅山廣場開舖，董事總經理何紹章即席揮毫，以「利冠紅山」四字，贈新舖阿頭施文欣，掀起高潮。
佢話，為咗呢四隻字，事前練字練咗成個鐘頭，淨係個「利」字，已經寫咗二三十次。原來佢只係三十幾年前學過吓書法，呢招天才表演果然奏效，至少可以增加見報機會。睇情況，日後代理開舖，點都唔少得請班高層出嚟唱吓歌跳吓舞，表演一番。
蘭西
電郵地址：
中原張奕威承認，為咗同對手周旋，惟有鬥吹水。
羅林渭近排頻頻出貨，今年以嚟已經沽咗兩個西貢洋房。
西貢慶徑石單號F半獨立洋房，由外籍換樓客以六百五十萬購入。
何紹章（左二）即席揮毫，以「利冠紅山」四字贈下屬施文欣（右二）。