陳嘉桓、朱慧敏、鄭欣宜等前晚出席金鐘舉行的仁濟活動，欣宜穿黑色透視背心裙，露出腳上紋身，陳嘉桓則比之前明顯發福，原來她準備起行去西藏，必須停止運動。她說：「下星期要去西藏拍嘢，一個類似真人騷嘅節目，以防高山症，所以停咗運動。」
陳嘉桓透露獲公司男新人同行，現已開始吃防止高山症的藥。她說：「都有帶定藥同乾糧，最緊要係衫，因為溫差大。」記者笑指她現在上圍好豐滿，陳嘉桓說肥了一定有變化，希望此行可減磅。

欣宜想演Bitch

欣宜一連兩日出席活動，昨日再與導演彭秀慧出席電影「29+1」在銅鑼灣舉行的DVD簽名會，欣宜表示很喜歡戲中黃天樂的角色：「人越大越覺得要簡單快樂，所以好想分享畀更多人知。今次出碟，我買咗20隻寄返加拿大畀親戚睇。」
她又說，這個角色是她首次演戲份較多的戲，之前都擔心演得不好，幸反應好為她打下強心針：「我都好想再拍感情戲，最想做係bitch。」
至於有報道指老闆蕭定一將投資千萬，讓欣宜自立門戶開新label。她聞言笑謂：「我9月有新歌，到時會有新動向同大家分享，總之係好消息。都係啲大個女嘅決定，我唔細啦，想學多啲唔同嘅嘢。」
採訪：王連連、盧妹
攝影：仇志德