蘭西情報課：
重慶站摸貨十宗賺逾一成
蘋果日報 2004/11/23 08:00
紀寶拆售重慶站，料可賺逾五億。- 重慶站月初拆售，現已有十宗摸貨。
- 美國銀行租用國金二期唔夠四萬呎，租期竟有十年。
- 吳啟文相信，樓市好轉，明年世紀21分行會增至200間。
- 利嘉閣籌善款，中原施永青（右）與信和韓家輝出席支持。
近期拆售商場成風，重好快已經出現摸貨成交。除咗葵涌時尚坊同灣仔國泰88，聽代理中原講，月初拆售嘅尖沙嘴重慶站商場，其實都有成十宗摸貨，一般都賺超過一成。
唔怪得一有商場拆售，買家都好踴躍入市啦！𠵱家重有幾個商場正準備拆售。
重慶站拆售嘅二樓三百幾個舖，已經賣咗九成，業主紀寶賺到笑，為咗催谷吓，聯同中原地產，為慧妍雅集搞慈善籌款。聽講，仍由紀寶持有嘅重慶站一樓，會攞出嚟義租，籌到嘅款項，就捐畀慧妍雅集做慈善用途。第一次義租，計劃下月舉行，而且重會搞幾次。
講起呢個場，噚日土地註冊處出咗個登記，瑞駿投資公司，以億五購入重慶大廈商場一樓兩舖及二樓一批舖位。睇番公司註冊處資料，董事包括紀明寶（即紀寶）、陳婉珍同葛亞娃等人。
美銀國金租期長
中區商廈巨無霸國際金融中心二期，已經租得七七八八，租客開始陸續進駐，美國銀行承租嘅三萬八千五百呎樓面，啱啱收樓，展開裝修工程，預計明年首季可以搬入去。
該行雖然租用國金二期唔夠四萬呎，唔算係大客，佢嘅環球房地產顧問仲量聯行透露，租期約十年。
睇落，租約條件認真唔錯，因為上個月簽約，承租五層十四萬三千呎嘅法國巴黎銀行，租期係六年死約，加三年生約。
另外，仲量聯行表示，美國銀行仍會繼續租用鰂魚涌太古坊一萬零五百呎樓面，做後勤辦事處。
至於美銀持有嘅兩層中環美國銀行中心寫字樓，較早時就以逾二億，賣咗畀一個印度籍客。
唔怪得一有商場拆售，買家都好踴躍入市啦！𠵱家重有幾個商場正準備拆售。
重慶站拆售嘅二樓三百幾個舖，已經賣咗九成，業主紀寶賺到笑，為咗催谷吓，聯同中原地產，為慧妍雅集搞慈善籌款。聽講，仍由紀寶持有嘅重慶站一樓，會攞出嚟義租，籌到嘅款項，就捐畀慧妍雅集做慈善用途。第一次義租，計劃下月舉行，而且重會搞幾次。
講起呢個場，噚日土地註冊處出咗個登記，瑞駿投資公司，以億五購入重慶大廈商場一樓兩舖及二樓一批舖位。睇番公司註冊處資料，董事包括紀明寶（即紀寶）、陳婉珍同葛亞娃等人。
中區商廈巨無霸國際金融中心二期，已經租得七七八八，租客開始陸續進駐，美國銀行承租嘅三萬八千五百呎樓面，啱啱收樓，展開裝修工程，預計明年首季可以搬入去。
該行雖然租用國金二期唔夠四萬呎，唔算係大客，佢嘅環球房地產顧問仲量聯行透露，租期約十年。
睇落，租約條件認真唔錯，因為上個月簽約，承租五層十四萬三千呎嘅法國巴黎銀行，租期係六年死約，加三年生約。
另外，仲量聯行表示，美國銀行仍會繼續租用鰂魚涌太古坊一萬零五百呎樓面，做後勤辦事處。
至於美銀持有嘅兩層中環美國銀行中心寫字樓，較早時就以逾二億，賣咗畀一個印度籍客。
今年地產市道好景，以特許經營方式發展嘅代理行世紀21，噚日慶祝成立十周年，兼本港第一百零一間分行開張。
行政總裁吳啟文話，單係今年，就已在港開咗五十幾間分行，預計地產市道持續造好，明年分行將增至二百間。
而且，受惠於今年樓市升浪，營業額比舊年增加兩倍，馬鞍山與將軍澳區較好。
該行喺內地有六百五十間分行，台灣有一百三十五間。澳門則有三間，乘近期濠江熱，將會多開兩間。
地產代理雖然日日掛住做生意，但不忘做吓公益慈善，回饋社會。
利嘉閣噚日舉行精英會慈善保齡球比賽，有近一百名前線代理，同埋後勤員工參與。活動請嚟信和營業及市務總經理韓家輝，同埋中原集團主席施永青出席。
今次活動以慈善為名，籌款當然唔少得。比賽分二十二隊進行，每隊組員須先籌得二千蚊參賽。最後合共籌得四萬五千八百蚊，會捐畀無國界醫生。原來後勤員工籌得最多善款，超過一萬蚊。
球賽冠軍，由跑馬地及東半山分行奪得，贏到六千蚊獎金。
恒生銀行創辦人之一何善衡家族，位於赤柱嘅豪宅地皮，月初以三億一千八百萬成交，由於買家係何善衡慈善基金，相信屬內部轉讓。
呢個盤位處交界位，以前叫赤柱村道二十五至二十九號，𠵱家改為赤柱崗道二十八號。新地址連街名都唔同咗，唔怪得連區內資深代理，都唔知係乜嘢。
物業屬於低密度住宅，有十八個分層單位。代理話，轉咗基金持有嘅話，全幢出租機會好大。
另外，何善衡慈善基金，一月向香港科技大學捐出一千萬元，作圖書館發展基金。
電郵地址：