海怡半島站早上8時起陸續多人，列車未到站時，月台間中會有人潮，通道尚算暢通。繁忙時間每班車的座位基本坐滿，但車廂裡仍見大量企位。

住海怡二期的黃小姐於金鐘上班，平日都會坐巴士590A到金鐘，「（搭車）有時要個零鐘，最少都要半個鐘」，但今日因為港鐵通車，特別遲半小時出門，「平時我要7點鐘起身，今日我7點半，因為唔使驚塞車嘛。」她指今日放工都會試搭港鐵，「試過等巴士等9個字都未有車，就算金鐵要等多幾班車，應該都好過巴士。」

住海怡二期的黃先生每日都要到鰂魚涌上班，過去要預早一小時出門，今日搭港鐵雖然未有計算時間，但認為「點都快啲」，坦言今日可以「瞓耐少少」遲15分鐘出門口。

住海怡三期的林小姐今晨坐港鐵到尖沙咀見工，由大廈走到港鐵站只要1分鐘，「不過因為今日係第一日所以預多咗時間，唔知佢有咩情況。」她指平時坐巴士出市區，若不幸遇上香港仔隧道塞車「最少都塞40分鐘」，但如今港鐵通車料可節省起碼20分鐘時間。不過林小姐亦指自己較喜歡巴士可以點對點，希望通車初期保留巴士線以免有「甩漏」。

雖然港鐵通車，但海怡半島巴士站仍有不少人候車。於中環上班的郭先生今日如常坐巴士，「地鐵會快啲，但今日第一日開車驚有事，可能壞車嗰啲，遲吓先再試。」

陳小姐今日仍坐巴士去上環上班，「因為巴士點對點唔洗轉車」，但稱放工會試搭港鐵。到奧運上班的吳先生亦選擇巴士，「唔使轉咁多次車，主要係中環行去香港站太耐。」有前往銅鑼灣的市民稱坐巴士因不用轉車「應該快啲。」