當年今日
關於我們
【咩都試下】鬼佬挑戰唱粵劇 河國榮:我覺得自己冇咁叻
蘋果日報 2017/06/16 15:51
爸爸
柏金遜
粵劇
河國榮
河國榮今日喺商台做訪問,佢最近冇乜工作,而稍後父母嚟香港,所以可以多啲時間陪家人,佢話:「爸爸七十幾歲,有栢金遜,可能今次係最後一次嚟香港,所以多啲時間陪佢哋,爸爸好鍾意香港,會陪佢去一啲鍾意嘅地方睇下,佢鍾意去女人街,唔怕逼,同埋會飲吓茶,平時我哋好少飲茶嘅。」
另外十月佢會做李居明嘅粵劇,做一個鬼佬嘅角色,由比利時去到中國大陸,佢話:「李居明新寫咗一首粵曲,可能有啲難度,李居明話學到就唱,如果學唔到就唸出嚟,o依家唯有死背台詞,呢個角色好聰明反而我覺得自己冇咁叻。」
稍後父母嚟香港,河國榮話陪佢哋去一啲鍾意嘅地方睇下(攝影:王連連)
十月佢會做李居明嘅粵劇,做一個鬼佬嘅角色。