【身教扶貧】徐子淇帶子女去柬埔寨探窮貧學童 大仔Tristan坐鐵盤水面浮

蘋果日報 2018/09/23 14:06

徐子淇柬埔寨千億新抱救助兒童會
    恒基千億新抱徐子淇噚晚就同郭富城喺灣仔君悅，出席救助兒童會嘅慈善晚會，佢做咗呢個會贊助人幾年，近年更會去海外慈善探訪，仲會帶埋囡囡去體驗，前年就曾帶過二女李晞兒（Hayley）去尼泊爾災區。今年佢就「加碼」，帶埋11歲大女Leanna同7歲大仔Tristan去咗柬埔寨探訪，俾3個小朋友體驗當地貧困兒童困難嘅生活。
    四母子就各自體驗當地居民生活，子淇就有去學校睇當地小朋友點返學，仲一齊唱歌跳舞，3個仔女就同小朋友「豆袋跳」，兩個女就教小朋友做環保紙燈籠，而大仔Tristan更有一個好不一樣嘅經歷，嘗試學當地小朋友坐住鐵盤喺水面浮，Tristan之後表示：「我覺得驚慌，小朋友喺鐵盤划行，不單止危險，仲好唔衛生。」Hayley就話：「走去臨時早期教育和發展中心時，途經連接著好狹窄木橋時，怕會隨時跌入水裏。」而大女Leanna補充：「臨時中心好簡陋，除咗一張座椅，冇其他學習工具，學習環境亦好黑，我希望小朋友可得到幫助，將來有一間正式校舍安心同快樂咁返學同玩。」
    子淇就喺探訪期間，結識了一個5歲小童San San，同佢嫲嫲傾談後表示：「San San營養不良，起初以為佢同我2歲細仔Preston差唔多大，後來先知佢已經5歲，佢好有信心，將自己認識嘅英文字母同數目字都一一向我哋介紹，不過後嚟喺佢嫲嫲口中得知，佢未參與救助兒童會嘅早期教育和發展項目之前，喺屋企經常悶悶不樂，唔鍾意說話，o依家就好享受同好友一齊唱歌同玩，變得更有自信、更加開心。」
    精選娛聞，喺晒《娛果》
    http://fb.com/appledailyent
    empty
    子淇與三個仔女一齊唱歌跳舞。
    empty
    子淇教貧窮學童學字。
    empty
    大仔Tristan要坐鐵盤過河。
    empty
    子淇做咗救助兒童會贊助人多年。
    empty
    三個小朋友同當地兒童玩「豆袋跳」。
    empty
    當地小朋友每日要行簡陋木橋返兒童中心。
    empty
    子淇不時都會去貧困地區探訪。
    empty
    子淇囡囡教當地小朋友整環保紙燈籠。