蘇打綠噚晚喺紅館舉行第二場演唱會，王菀之、何韻詩、泰迪羅賓都有到場欣賞，不過同父母嚟嘅阿詩早走，吳青峰笑住咁話：「這樣的朋友應該要絕交了吧，好沒面子。」

講到最感人時刻，莫過於鼓手小威向女友Sunny求婚，小威拎住一早準備咗嘅戒婚，跪住向Sunny求婚，仲講出感人宣言：「遇到你是最好的事情，你對我來說就是最無與倫比的美麗。」

企喺控制台嘅Sunny聽到小威咁講，開心到呆晒，呢個時候，全場歌迷大嚷：「嫁給他！」Sunny就點頭話：「我願意！」之後Sunny仲上埋台，一齊接受全場嘅祝福。原來小威相當保密，就連其他成員都唔知情。