家陣啲球衣質素每況愈下，每逢足球大賽總有啲球員俾人扯爛衫，要行出場換過件嘥時間。唔知各位球迷見到呢一幕，有冇興趣買番件呢間體育用品「小店」出產嘅「高汁」波衫？喺周日挪超特林素主場同辛迪夫佐特踢成1:1場波出現搞笑一幕，客軍中場包摩利亞（Pau Morer）前場斬波斬唔起，俾主隊前鋒湯馬士奧臣（Thomas Lehne Olsen）截得皮球，心急回防下諗住從後出手拉衫阻止奧臣打反擊，點知奧臣拉極唔跌之餘件波衫又夠堅韌，結果摩利亞被拖行足足十幾碼，奧臣先停低出腳「還拖」，好彩球證只係雙雙出示黃牌了事。

到底係咩品牌生產特林素呢件超柔韌波衫？原來唔係一眾大品牌，而係來自丹麥嘅生產商「Select Sport」！不過，球迷想幫襯小店都唔係咁易，因為由佢贊助嘅球隊大多寂寂無聞，除咗特林素、漢福斯等挪威球隊，仲有瑞典嘅加爾斯同丹麥嘅阿曉斯等。

↓挪超拉衫拖行實況↓
http://bit.ly/2sfjWGl