金秀賢於今午現身遠東國際大飯店出席粉絲見面會,酒店門早有類似fans包車嘅的士,其中一架車頂仲有「追星高手」四個大字,好hardsell喎。
去到酒店大堂,見有十幾個喺度等。因為今次見面會係喺三樓宴會廳舉行,有幾個醒目女fans一早藏身於洗手間,等機會撲出來見都敏俊。而宴會廳門外已有近200名傳媒,中間又有啲fans混入場去,大會發現後,即好言相勸謂今次冇招呼fans,只係接待傳媒,請佢哋離開。不過傳媒排嗰條隊,已經由三樓排排到上四樓。
其中兩位fans,陳小姐同詹小姐就表示中午十二時已到,今早未有到機場。問佢哋明天會否到見面會?佢哋話:「買不到票,很難買,不便宜。」咁會否早啲去現場買韓國官方周邊商品?兩女就話:「聽說要用門票買,應買不到。很可惜,希望他下次再來吧。」