【疫情百日】直擊麗港城放盤 李太沙士後「一球」買入
蘋果日報 2020/03/08 00:00
麗港城沙士價
武漢肺炎在香港爆發，令不少人聯想起當年的2003年疫情慘況，擔心香港樓市可能重現「沙士價」。本報直擊觀塘麗港城一個二手放盤單位，業主可謂早買早享受，早於2004年初的沙士過後樓市復甦初期僅以百多萬元購入。業主李太相信，「你話（樓價）會唔會跌到之前SARS咁，咁應該無呢個可能性，真係需求大」。
不願出鏡的李太在放盤單位內接受本報訪問表示，「我諗香港需求（置業）好大，就算呢期有肺炎都好，睇樓都幾密，啲人都照睇，特別係星期六、日，好多用家，如果用家需求咁大，就算環球市況係差嘅話，跌嘅話，個跌幅都微囉。」李太想換樓才放售物業，並已將鎖匙交予地產代理放售。談及放盤進度，李太稱近期睇樓客眾多，「有時一個晏晝都五、六枱(客)，都好好。」(有實在買家出價？)「有呀，而家仲傾緊，呢兩個禮拜好啲，之前真係低嘅（出價），啲人還710（萬）、725（萬）。」不過，最近樓市氣氛回穩，李太指已有部份買家還價至近750萬元。但李太還是希望到價先會諗，「我相信我開780萬，都係想接近780萬，無專登開好高。」她透露，其中一名買家已重複睇樓3次，希望有機會本星期成交。
李太認為，「未來樓市唔會特別差，唔會跌得太多，有機會跌嘅，但係你話會唔會跌到之前SARS咁，咁應該無呢個可能性，真係需求大。」翻查資料，該麗港城33座低層戶，業主2004年1月以「一球價」159萬元購入，若成功以叫價780萬元售出，大幅升值近四倍。2003年爆沙士後，樓價大跌，麗港城2房單位曾跌至115萬元。當年沙士最平單位，為24座高層F室，517方呎，2003年9月以115萬元沽出，投資者一個月後以132萬元「摩出」﹔2004年8月單位再以185萬元轉售，不足一年炒貴近六成。
本報直擊李太放盤，單位已交吉，兩房間隔，客飯廳是鑽石型。單位座向東南，望樓下網球場景觀。
世紀21康誠客戶經理康向斌表示，上述放盤單位去年11月放盤，最初叫價800萬元，直至今年1月租客搬走後，業主將叫價調低至780萬元，同時開價1.78萬元放售。
康續稱，受疫情影響，麗港城2月份僅8宗買賣，較1月份21宗少六成，平均呎價亦跌至一萬三千多元。不過，隨着疫情在香港未見嚴重爆發，加上業主願減價，近期市況已回穩。「近排疫情眼見無話之前咁恐慌，起碼唔使搶口罩搶廁紙先，相對業主心態較穩定，議價空間大為收窄。而最近睇樓量明顯上升，因為上月初有個大單位以890萬元售出，呎價僅萬一，很多買家把這呎價視作入市指標，希望可以600萬買到517方呎兩房，惟最近一宗8座低層B室成交，都要708萬元，所以暫時未跌穿700萬元。屋苑現有約150個二手放盤，兩房入場費730萬元。
記者:朱連峰
業主李太2004年初沙士後以159萬元買入的麗港城單位，現放盤目標賣到780萬元。圖為單位較大的一間睡房。
世紀21康誠康向斌表示，疫情下，不少人都希望可以用600萬元買到麗港城兩房單位。
另一間睡房
浴室
客飯廳
廚房
單位往外望，望到會德豐興建中的藍田新盤。