香港人好奇怪，絕大部份嘅球迷都唔多願意着港隊波衫，反而會着人哋國家嘅波衫㗎喎，英格蘭、巴西、意大利、德國乜都有，撐外人多過自己人。

呢個現象可能都會喺蘇格蘭出現，但唔會有咁多款唔同波衫，而係清一色冰島！

是咁的，蘇格蘭就係英倫三島唯一踢唔入歐國盃決賽周嘅球隊，但蘇格蘭嘅球迷都一定會睇歐國盃嘅，因為仲有佢哋捧嘅球隊嘛！邊隊？英格蘭對家囉！

所以呢，英格蘭喺16強輸咗畀冰島後，唔少蘇格蘭球迷都瘋狂搶購冰島波衫。冰島球衣製造商Errea嘅出口經理就話：「冰島贏咗英格蘭之後，啲訂單多到黐線，特別係喺蘇格蘭呀，不過其實全歐洲都有人訂貨。」

體蘋果facebook專頁↓↓↓
http://fb.com/appledailysports