要數港島聖誕最矚目的商場，一定係時代廣場，皆因不少人都會到時代廣場的露天廣場倒數，迎接聖誕節和新年。今年時代廣場就以紫色聖誕夢樂園為主題，商場內以水晶球燈飾做佈置，配以音樂旋轉木馬，夠晒童話feel。露天廣場兩旁擺滿夢幻水晶球，當然唔少得聖誕樹及小天使，行入去就好似發緊夢咁，同女朋友拍住拖去就最啱。今年商場還有紐約節慶傳統"Rockettes"表演、澳洲高蹺舞及傳統的聖詩歌頌聖誕嘉年華會。最值得一提的是商場聖誕優惠，買滿$800再捐$20予護苗基金，即可換聖誕熊BearBear或幾米08年月曆，如果這兩款禮物唔啱，仲可以玩扭蛋和夾公仔贏其他大獎。

時代廣場為慶祝聖誕，現送出100隻聖誕熊BearBear給《蘋果》讀者，讀者憑此印花可到時代廣場二樓客戶服務處免費換取。先到先得，換完即止。

‧必須憑報紙上的印花才可享有優惠。

時代廣場聖誕夢樂園

開放時間:12:00nn-10:00pm
地點:二樓大堂及露天廣場