傅穎、鄧麗欣、小肥及側田等前晚同到九龍城為「新城慈善K戰24小時@KCP」擔任閉幕嘉賓，Theresa首先與小肥一同到場，Stephy之後才和側田抵達，各自演出後，當Theresa落台輪到Stephy上台，二人在樓梯上擦身而過，其間Theresa主動拍打Stephy肩膊一下當作打招呼，後來眾星上台大合唱，二人相隔小肥及側田而站，目不斜視避免眼神接觸。後來二人被要求合照時，仍然堅持不交談。早前二人互相缺席對方生日會，即使接受訪問時否認不和，但行動上似乎已露端倪。

Theresa前晚說：「其實我哋好多機會碰面，大家唔好咁敏感啦。」她表示沒有刻意與Stephy討論不和一事，二人見面也不尷尬，她說：「我哋用同一髮型師，頭先喺salon先見到，有點頭打招呼。」問誰做主動？Theresa呆了十秒，再幾經追問才透露是她先向對方點頭，她補充：「組合成日傳不和，我都慣，Kary生日我都冇去啦，可能呢輪大家集中注意我哋兩個，咪會覺得我哋講嘢潤嚟潤去。」Theresa表示自己歌唱事業剛起步，不會爭做一姐，而且其公司一姐應該是林憶蓮。
Stephy表示在salon看見Theresa才知會與對方同台，她說：「𠵱家大家分開做嘢，見面少好正常，其實我哋冇事，搞到我阿媽都問我。」問她有否與Theresa溝通，Stephy謂：「假嘅唔使講啦，邊個做一姐唔太重要，我都非常認同林憶蓮係super一姐。」
採訪、攝影：胡比