當年今日
關於我們

【加盟騙局】連累母親被問候Auntie:我都好慘

蘋果日報 2015/12/10 06:00

失蹤婚紗店血本無歸執笠200萬觀塘警區刑事調查隊加盟騙局聖誕節開倉招徠開聯工業中心

涉事的婚紗店的姓謝兩夫婦,近月失去踨影,苦主上門亦要摸門釘。至今日卻突然開門推出開倉活動,有散貨之嫌。《蘋果》曾向老闆娘的母親了解事件,對方隔著家門跟記者說,沒料到女兒生意爭執會令自己亦惹上麻煩,經常收到粗口電話及訊息。「真係好慘,我都俾人冤枉,我唔係投資,亦唔係股東,但俾人講粗口鬧,成班人係度鬧我喎大佬。」

據謝母透露,她平日會幫女兒照顧孫兒,但沒有跟她同住,對其生意一概不知情,但去過九龍灣分店接孫,但奇怪該店只是儲貨,「成年冇人返工,成日閂門,剩係擺婚紗係度」。

被問及會否相信女兒曾欺騙他人?她說︰「一半一半!我都唔知,阿女啲野好少同我講,跟投資者又唔熟,對呢件事感到莫名其妙。」她續說,「我係師奶仔,都好慘」,希望快點了結件事,曾問女兒「自己好好地做一間公司,點解會搞成咁?自己快啲搞番好佢,唔好牽涉其他人在內」。

想睇最新消息? 即時follow【現場-蘋果突發】 fb! http://fb.com/applecitycrime