馮盈盈今日到旺角出席玩具店活動，並手執動畫美少女戰士的變身器不停擺Pose影相，她受訪時表示自己小時候已相當喜歡美少女戰士：「細個最鍾意扮佢哋變身，仲叫媽咪買佢哋啲產品，不過你知媽咪一定唔會買太多，到而家大個自己有經濟能力就可以揀多啲自己鍾意嘅嘢。」

至於可有叫男友買美少女產品？她笑說：「佢嫌太女仔，全部粉紅色唔肯買，不過佢都鍾意睇漫畫同打機用嚟減壓。」除了模仿美少女外，她又自爆小時候會拿掃把模仿港姐冠軍，繞場一周。

談到近日正拍攝新劇，第一次嘗試槍戰和爆破場面，她說：「一次過試晒中槍、爆炸，仲要裝到成身反應彈同血漿，佢哋話第一次會痛同流血，點知經歷完又無乜嘢，好彩佢哋好照顧我，幫我墊晒pad，爆起上嚟一啲都唔痛，所以話女仔墊pad幾重要呢。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV