當年今日
關於我們

  翁以登爆軍事機密 - 李八方

蘋果日報 2002/08/09 00:00


總商會總裁翁以登曾經喺美國軍界服務過好長時間,好多人都知,但佢究竟做啲乜?就好少聽人講,原來佢曾經係美軍嘅談判專家,官拜上校職銜,重專門同大陸解放軍改裝戰鬥機㖭!
翁以登喺聽日出街嘅港台節目「與CEO對話」將會大講佢啲威水史。原來佢十二歲跟父母移民美國,畢業後就入咗美國軍方,一做二十二年,八十年代以專家身份代表美國同中國進行軍事交流及談判,專門幫助解放軍空軍改裝米格戰鬥機,一直到八九年六四事件爆發,雙方停止軍事交流為止。咁猛料嘅嘢到處講,翁總裁唔怕俾人話洩露國家軍事機密咩?但佢話,唔覺得呢啲係秘密喎。
作為一個大機構嘅CEO,翁總裁當然有唔少心得,佢話佢最憎人「寸」同懶叻,各位高官要偷師,不妨聽吓。
(圖)翁以登曾經是美軍上校。


傳真︰2623-9278
電郵︰[email protected]