37歲嘅姚子羚日前就喺社交網ig，單方面宣佈同坐擁逾億身家嘅男友「的士邦」鄭子邦，當時子羚話二人分開係「這是我們共同的決定」(新聞連結： http://bit.ly/2Hpkpc3 )，而男方「的士邦」就一直未有現身，但今日其好友丁子高就喺ig暴露咗佢嘅行蹤，原來的士邦同丁子高等朋友，齊到尼泊爾學佛。

連日來丁子高都有喺ig貼咗啲喺尼泊爾學佛嘅相，但今日就見到佢同的士邦等人，一齊喺大佛前合照，見到身穿黑色褸嘅的士邦，雙手插袋，面帶笑容，看來心情不俗。而丁子高則留言話：「完成了四天的佛學課程班，也終於成為一位真正的佛教徒，很大的感恩有緣來到尼泊爾學習禪修及大手印祈願文，雖然不能夠完全明白所有內容，但已經很有得著。還有認識了一班很有智慧的師兄師姐，多謝你們這幾天的輔導。我會繼續持之以恆，希望可以將學習到的應用在生活上。」

至於姚子羚亦有喺ig更新相片，見佢帶住愛犬去咗赤柱行街街，完全冇受分手事影響心情。

精選娛聞，喺晒《娛果》
http://fb.com/appledailyent