韓國男星俞承豪近日忙於跟金所炫、L等人拍攝MBC劇集《君主－假面的主人》，劇集前日播出第19及20集，預計下月中大結局。劇集於1月開拍，於劇中飾演世子嘅俞承豪近半年來一直馬不停蹄地拍攝，相關人士透露俞承豪因為劇集已暴瘦超過11磅。

劇組相關人士透露：「雖然其他演員中間會有休息嘅日子，不過因為俞承豪嘅拍攝分量好多，幾乎未能休息，事隔好耐佢噚日終於可以休息。」由於喺高溫下一直拍攝，有傳聞俞承豪因為拍攝而暴瘦超過11磅，相關人士表示：「原本應該要好好瞓覺，但係因為忙碌嘅拍攝日程，佢嘅體重隨之下降。今後佢會於唔影響健康嘅情況下努力拍攝。」

另外，L所屬嘅男團INFINITE噚日出道7周年，L於Instagram公開新自拍答謝粉絲一直以來嘅支持。