【新增內容】
韓國天團BIGBANG嘅四位成員G-DRAGON、太陽、大成同T.O.P都先後入伍，現時只剩年紀最細嘅勝利未當兵。勝利除咗專注演藝事業外，佢亦都好有生意頭腦，拓展佢嘅拉麵王國。不過勝利忙於事業之餘，亦冇停止去蒲，佢不時會到夜店打碟，今日佢仲被爆與一名圈外人拍拖，報道指該名女子為職場女性，有不輸藝人嘅外貌。而勝利所屬嘅YG事務所表示「要確認係咪事實」。

另外，勝利投資嘅日式拉麵店「神隱拉麵」分店越開越多，現時全球分店就快開到40間，可見佢投資有道，生意越越大。噚日勝利喺Instagram上載新相，大晒佢第36號分店已於上月喺首爾市鐘路區大學路開業。

原來勝利除咗自己做老闆外，亦有拉攏演藝圈好友齊齊助佢發展拉麵事業，日前佢就喺Ig大晒佢同FT Island嘅崔鍾訓嘅合照，仲宣佈鍾訓已經成為佢第39號店嘅店長。而鍾訓亦於日前喺網上大晒自己喺店內嘅照片，可見佢力推拉麵店，同時又尊稱勝利做社長，呢間第39號店位於蠶室新川站，今個月先開始營業，估計除咗BIGBANG粉絲會捧場外，同樣會吸引FT Island嘅粉絲支持。

至於勝利隊友大成就被任命為第27師新兵教育隊嘅助教。

更多韓流，喺晒《娛果》
http://fb.com/appledailyent