林盛斌(Bob)昨日40歲牛一，他晚上跟老婆及四名子女慶生，全家人溫馨度過，不過Bob的生日餐並不是選擇到五星級酒店豪吃大餐，反而是一家六口貼地吃街邊檔。

Bob今日在facebook貼出慶生短片，並留言：「四十大壽，冇理由唔食好啲嘅！噚晚我哋去咗街邊檔食炸燒賣、煎釀三寶、炸雞髀碎上，主菜係六個印尼撈麵，大家share。我相信我老婆有少少想殺咗我.......」片中見到大女霏霏主動帶領弟妹一齊為爸爸唱生日歌，非常溫馨。

Bob今日回覆傳媒時說：「噚日生日，老婆問我出街食點樣，我問幾個仔女，佢哋話想食炸燒賣、炸雞髀，於是咪帶佢哋夜晚去街邊檔食嘢，我哋仲食埋印尼撈麵，食呢啲嘢，我說服咗老婆好耐，佢猛話唔好，我話一年一次冇所謂。」

問到Bob的生日願望？他答：「我希望身邊人個個都好，個個都開心。」Bob昨晚一家喪吃，他表示埋單二百多元：「老闆話見我食咁多嘢，又係生日，於是平咗我十蚊，同請我飲多支菊花茶，多謝老闆。」男人四十要如何？Bob即說：「男人四十要顧家。」

-----------------------------
【撐學生】
召集有心人 撐學生全年睇《蘋果》
立即按此

-----------------------------
《囚牢之疆》 專頁
揭開集中營邪惡面紗
今日新疆 明日香港