史篤城前鋒高治自從2010年之後都未曾代表過英格蘭出賽，最近三獅軍團領隊由艾拿迪斯接手之後亦冇重召佢，所以近排國際賽期35歲嘅佢就好得閒，仲同埋佢個做model嘅索老婆Abbey Clancy一齊去咗馬略卡度假。

高治同Abbey係去咗巴利亞里島度假，佢哋坐遊艇出海同陽光玩遊戲，鬼咁寫意，30歲嘅Abbey初時著住件白色一件頭泳衣，由於身型fit爆已經夠養眼，後尾佢join埋高治落水之後，著白衣泳濕咗身就簡直係透心涼啦。不過仲唔止，Abbey之後又咗套黑色比堅尼，覺得佢著邊件好睇啲就真係各花入各眼喇！