方大同今日喺灣仔藝術中心為新歌舉行搶聽會，佢透露9月會推出新碟，碟內有21首歌，大同表示今年係佢入行11年，加上慶祝佢早前投資8位數字開設一間製作公司。

問佢會唔會開演唱會？大同話：「計劃緊明年開。」會唔會喺個唱中跳舞？佢笑住話：「可能啦，有時我會跳少少，可能喺下個騷跳，因為碟內有1、2首歌節拍感重啲。」有冇跳舞天份？佢話：「啲人睇過話幾好，我唔係手腳不協調。」