馮仁昭四圍超：
電波少女翟佩雲 簽樓契即嫁 - 馮仁昭
蘋果日報 2014/08/05 00:00
當年由梁雪湄、李思蓓、姚樂怡、汪琳、雷穎怡、梁佩盈、任港秀、翟佩雲組成嘅電波少女已經解體，曾自爆出席「飯局」兼被影壇大哥禁錮嘅翟佩雲（Icy），𠵱家33歲嘅佢逃離娛樂圈後轉做化妝老師，前日仲升呢做人妻嫁畀男友Enoch，兩人喺銅鑼灣中國基督教播道會同福堂舉行婚禮。
洗盡鉛華嘅Icy仲做埋教徒，教友李亞男做伴娘，鄺文珣、施熙瑜等擔任姊妹團，仲請到堂主任牧師做證婚人，鄺文珣仲幫手彈琴，奚秀蘭夫婦就讀經，花仔花女就由可嵐囝囝同鄺文珣囡囡擔任，出席藝人仲有張崇德夫婦、王祖藍、李綺雯、區文詩等。Icy噚日接受電話訪問話：「老公做地產，我哋拍拖兩年幾，佢攞樓宇買賣合約畀我當求婚，我簽合約應承嫁畀佢，但佢唔係送層樓畀我，自己冇乜所謂，婚姻裏面有上帝就得。」
洗盡鉛華嘅Icy仲做埋教徒，教友李亞男做伴娘，鄺文珣、施熙瑜等擔任姊妹團，仲請到堂主任牧師做證婚人，鄺文珣仲幫手彈琴，奚秀蘭夫婦就讀經，花仔花女就由可嵐囝囝同鄺文珣囡囡擔任，出席藝人仲有張崇德夫婦、王祖藍、李綺雯、區文詩等。Icy噚日接受電話訪問話：「老公做地產，我哋拍拖兩年幾，佢攞樓宇買賣合約畀我當求婚，我簽合約應承嫁畀佢，但佢唔係送層樓畀我，自己冇乜所謂，婚姻裏面有上帝就得。」
前「電波少女」翟佩雲洗盡鉛華，前日披婚紗下嫁從事地產嘅老公。微博圖片
否認有餡10月擺酒
Icy話10月先擺酒，本來10月先至結婚，問係咪有咗BB提早舉行婚禮？Icy哈哈笑否認：「我哋係基督徒，唔會婚前有BB，因為臨時有trip撞期至會提早舉行婚禮。」問仲有冇興趣重返娛樂圈？Icy話：「自己信耶穌之後少咗性感工作，如果有正經嘢都會做。」
撰文：馮仁昭
撰文：馮仁昭
電波少女唔係離巢就係嫁人，留喺圈中嘅冇邊幾個！資料圖片