太子荔枝角道、砵蘭街及彌敦道交界一帶，近年成為「過境巴士站」，許多過境巴士泊於繁忙路邊上落客，與公共巴士爭路，令交通更形混亂。警方過去三個月已發出388個警告及42張違例告票，更不諱言要再忍兩年，待過境巴士總站落成後，問題始能解決。

「彌敦道已經繁忙、重不停有過境巴士喺度上落客，連公共巴士都埋唔到站；早上就更塞到離譜；咁多年都係咁；真係好混亂！」太子荔枝角道、砵蘭街及彌敦道居民向記者大吐苦水。
每天必途經太子上班的黃先生稱，荔枝角道、砵蘭街及彌敦道交界一帶，向來交通繁忙；彌敦道更設有多個巴士站、每個站有多條巴士線，每天途經上址巴士及候車乘客不計其數。
近年有不少穿梭中港兩地大型巴士，每天風雨無改在上址一帶停車上落客，交通混亂非常。

過境巴「頂住」公共巴士
「呢度簡直變成『過境巴士站』，啲過境巴「奉旨」泊喺度上落客，啲客帶同大包小包行李，每次都好耐先開車，有時重阻住啲公共巴士埋站，浪費乘客時間。」
記者現場所見，由於主要招待內地旅客的京港酒店坐落於荔枝角道及彌敦道交界，短短數十分鐘，已有多輛過境巴士駛至接載旅客，每次上落亦甚為需時；過境巴士「頂住」其他公共巴士埋站；造成交通擠塞。
根據運輸署資料顯示，依照油尖旺區規劃，地鐵九龍站內將設有一個過境巴士總站，可容納十多輛過境巴士同時使用；但過境巴士總站預計在明年才落成。
黃先生說：「問題持續咁多年，近年愈見離譜，但竟然冇治本對策；過境巴士總站要明年落成，即係重要起碼塞多年幾兩年，市民重要繼續忍啦！」