噚日係中秋佳節，亦係公益服飾日；放假前夕心情當然唔同啲，煲呔噚日都丟低佢嘅煲呔標記，以一身便服look出席行政會議。之但係，煲呔着衫嘅taste真係麻麻，佢噚日着嗰套黑色底啡色線類近唐裝嘅衫，即時好似老咗幾廿年咁，又有啲似八方幫襯開嗰間潮州菜館嘅侍應裝束，好彩示威者冇被佢呢套裝束嚇到。
據聞煲呔為咗雙十節發表嘅施政報告，日日都忙到死，連賞月嘅mood都冇埋，噚晚都係同屋企人食餐飯就算。陳太出山雖然令煲呔風頭被搶，但據香港進食失調康復會向500幾名初中學生進行嘅調查顯示，煲呔喺初中生心目中係最有自信嘅政治人物、其次先係長毛同陳四萬。能夠打低陳太，煲呔肯定飲得杯落。