當年今日
關於我們

【冇fd做】小保加icon反目成仇 泰維斯數臭列基美

蘋果日報 2017/06/16 11:37

阿根廷小保加上海申花中超河床泰維斯列基美

兩代小保加icon兼阿根廷名將爆不和!認唔認得呢兩位球星嘅青春面貌?左邊嗰位就係現年38歲嘅好波之人列基美,右邊就梗係33歲嘅「野獸」前鋒泰維斯啦,不過,目前效力上海申花嘅泰維斯,日前接受阿根廷電視台訪問時,就勁數列基美場內無疑係小保加偶像,但場外作為一個人「仲有好多嘢要改進」咁話!
泰維斯舊年底離開小保加投奔中超,被唔少球迷視為叛徒,當時列基美都有出聲指責,佢就一於大反擊:「當列基美想去巴塞,佢就離開小保加;當被維拉利爾放棄,佢就愛回家,身為局外人要批評好容易。」泰維斯又不滿列基美「手指拗出唔拗入」,當小保加輸波時就苛責球員,反而成日讚揚死敵河床嘅教練加拿度有料到,對球會好唔忠誠喎。