【李華華Online】鄭志剛拓「文化科技」 究竟係乜東東?
李華華
新世界發展(017)執行副主席鄭志剛(Adrian,圖)百足咁多爪,本業地產以外都有好多唔同新搞作,其中佢哋搞嘅支援初創平台Eureka Nova,今年嘅孵化主題竟然有樣叫「文化科技」(Culture Tech),究竟係乜嘢嚟?
話說文化本身係屬於文科嘢,科技就係理科嘢,兩樣嘢大纜都扯唔埋,金融科技就話講得通啫,新世界嘅解釋就係,「將文化與科技結合,為生活帶來改變的創新產品及服務,涵蓋藝術、媒體、學習工具、娛樂、時尚、醫療健康等範疇」,嘩,真係乜都可以科技化。
Eureka Nova今次同日本瑞穗銀行推動呢個初創加速器,參加企業除咗獲得多間企業導師指導,仲可以同日本企業探討合作機會,亦可以用K11 Atelier嘅Mizuho Crowd Brain共享空間,今日起已經可以報名。