96年嘅四料香港小姐冠軍李珊珊，今年6月突然喺微博度宣佈要將當年嘅后冠攞出嚟拍賣行善(新聞連結： http://bit.ly/28TVfVR )，珊珊曾透露過拍賣將於明年一月舉行。

然而今日珊珊就喺微博透露佢向社會福利署，申請嘅籌款許可證不獲批發，珊珊坦言，知道不獲發籌款許可證後，個人感到極度沮喪，更形容呢件事係佢人生最大一次挫折，連佢嘅腳傷都掩蓋埋。(新聞連結： http://bit.ly/2eonTwg )

喺《蘋果》嘅即時新聞留言中，有網民指質疑珊珊拍賣嘅出發點，而李珊珊就親自回覆留言：「先生，你好。我是李珊珊。看了有關留言，相信對是次活動及有關細節，未有充份掌握，甚至是誤解。能否面談，本人將全力解答當中各項細節，甚至任何質疑。現在誠意邀請，希望能讓你更掌握所有數據。若是維持現狀，對此次活動有異議，甚至反對，本人歡迎你全天候監督並點出任何不足之處。謝謝。」