楊穎(Angelababy)今年5月喺內地領證結婚成為黃曉明太太，近日繼續馬不停蹄咁開工，不過新一輯內地娛樂綜藝節目《奔跑吧兄弟》就冇咗Baby個名，網民感到失望之餘，有網民提出退出嘅理由可能係佢有咗喎!

不過，據知Baby肯定冇懷孕，而退出嘅原因除咗因為已經參加咗兩季嘅《奔跑吧》之外，主要原因係要為佢10月舉行嘅婚禮籌備，話晒係人生大事當然要做到好好睇睇。

另外，Baby即將要歸隊去美國繼續拍佢套荷李活電影《天煞：地球反擊戰2》（IndependenceDay：Resurgence），之後又要返內地完成埋佢同影帝梁朝偉有唔少對手戲嘅電影《擺渡人》，所以冇時間再去奔跑啫!