市民盼抽中換樓 不介意望墳

蘋果日報 2019/12/21 02:20

綠置居減音露台蝶翠苑青富苑

【本報訊】觀塘綠置居銷售中心昨早8時起派表,上午到場的市民不多。居於柴灣漁灣邨的李女士說,今次是首次抽資助房屋,因今期蝶翠苑項目位近現時住所,「屋企望到個地盤」,亦鄰近女兒的工作地。她指現居單位面積細,「得一間房,單人單位但兩個人住」,亦有天花剝落和漏水等問題,「補嚟都無用」,盼可抽到較大的單位,不介意部份單位可能望到墳場。

與兒子居於安泰邨的張女士說,現居單位只得200多呎,亦擔心百年歸老後要交還現有公屋單位,兒子無處容身,故盼可購得較大單位「上車」,會由兒子負責供樓「地點無所謂,至緊要抽到,但細過𠵱家個單位就唔考慮」。她說是首次抽資助房屋,雖然認為機會渺茫,但單位以市價49折推售價錢吸引,「買層樓好貴,同埋𠵱家都要交租,(綠置居)都係供多少少啫」。
倘落空 會抽下期居屋
71歲的梅先生也到場取表,他說一家四口現住竹園北邨,單位嚴重老化,天花剝落和窗邊滲水等。他過去曾抽過三次居屋,「無抽獎命,次次都係抽最尾,所以買嚟買去都買唔到」,期望今次可抽到三房大單位,預算約200萬元,「(最大得400幾呎喎?)400幾呎梗係唔夠,不過啲錢都唔夠」。他說若今次依舊落空,會繼續抽下期有鑽石山盤的居屋,「(今期)青衣會諗下,柴灣個仔就肯定唔去,遲啲就我去柴灣(墳場)」。

今期綠置居下周五(27日)開始接受綠表公屋戶申請,申請為期兩星期,至下月9日晚上7時截止。項目明年3月攪珠、5月揀樓。項目只限綠表人士申請。房委會或房協轄下公屋住戶,申請表須交回所屬屋邨辦事處,樂富房委會客務中心不會接收申請表。
empty
梅先生指現時一家四口居於竹園北邨,單位已嚴重老化,期望今次可抽到大單位,預算約200萬元。