香港電視網絡（HKTV）藝人姜文杰，今日喺Instagram上載HKTV劇集《導火新聞線》劇照，又好開心咁話呢套劇終可喺年底見大家，寫住：「《導火新聞線》……我是多麼的驕傲啊……真的是太好看了！！！一套屬於香港的電視劇，年底HKTV見!!!」

咦，唔係話開台頭炮係《警界線》咩？之後打去HKTV問，佢哋話其實未定好邊套劇會出先，噢，咁都係等年尾先開估？

點都好啦，HKTV申請免費電視牌照落空後，轉戰流動電視市場，原定7月1日開台，可惜又因為涉嫌違反「廣播條例」而開台無期，幸於上月底，HKTV主席王維基表示計劃年底推出購物網站，HKTV製作嘅節目將安排喺購物平台上播放，相信呢個消息，會令到一班HKTV藝人特別振奮。