顏仟汶近年主力喺大陸發展，除咗登台唱歌仲拍咗唔少網絡電影，之前就拍過梁焯滿執導嘅《社團風暴》，飾演黑社會大家姐。近日又有一套顏仟汶主演嘅網劇《夜戰風雲》喺網上有得睇，呢次顏仟汶喺戲入面飾演一位由鄉下到廣東打工嘅農村姑娘，被男朋友騙財之後識咗歌手張啟輝飾演嘅拳手，開始另一段戀情。

除咗愛情線之外，仲會有連場拳擊動作戲，當中因為張啟輝唔肯打黑拳，被黑社會報復，好在喺危急關頭顏仟汶同佢擋槍，顏仟汶話：「其實我真係訓練班出身，咩角色都想挑戰，唔想被人限死。」佢話最開心可以同「高佬權」陳國權合作，又撞番10多年前合作過港片《發電俏嬌娃》嘅對手曹查理，顏仟汶話嚟緊又會「重操」故業，喺新戲《洪興十三妹》入面再次飾演黑社會大家姐芳姐，講佢點樣自立門戶，開創一個社團。

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw