甘草演員蘇杏璇昨日在伊利沙伯醫院因中風後併發症病逝，終年61歲。她多年來飽受糖尿病的煎熬而多次住院，體重由150磅，跌至現在不足100磅，個多星期前才出了院，但日前又再度入院，至昨午4時許病逝。蘇杏璇的兒子昨晚證實母親去世的消息，曾合演劇集《新紮師兄》的好友羅蘭得悉死訊，更是泣不成聲。

璇姐縱橫演藝圈逾40年，參演過多部經典劇集及電影，多年來演活不少慈母角色，最令人留下深刻印象是在《新紮師兄》中，飾演梁朝偉母親。去年璇姐出院後，坐輪椅接受車淑梅的港台節目錄音訪問，大談在劇中這段「母子情」，她說：「 依家仲當偉仔係自己個仔，我都希望可以同偉仔喺銀幕續母子情，但我諗好難，我諗我同偉仔嘅緣喺嗰時已斷咗，但諗番起開心就夠。 」

璇姐遽爾離世，同屬佛教徒的梁朝偉說：「 我同璇姐都係佛教徒，希望佢早登極樂世界，永遠懷念同佢一齊工作嗰段緣份。 」


想知詳情，請留意今日《蘋果日報》娛樂頭條及動新聞。