一套電影，點解可以出到每年派息的理財產品？真係十萬個為什麼！

在內地咩事都可以成真，其實，一套電影鉅片，票房收入只係小部分，最賺錢係發行相關投資理財產品，隨時可以吸金數十億。

由上海快鹿出資製作的電影《葉問3》首先谷大票房，加上電影未上映前，已向上市公司如十方（1831）以1.1億元賣出票房收益權，電影未上映已經有資金巨額包底，外人睇嚟自然以為電影唔大賣，都有錢墊底作收入，自然相信呢套電影穩賺不賠。

當電影推出相關投資產品，年利率8厘，若果票房升至20億元，每年派息利率相應升至18厘，投資門檻10萬元人民幣起跳，即時吸引散戶及投資者一擲幾十萬至幾百萬買入！透過網上、眾籌平台等大吸資金，有報道指，單係蘇寧眾籌平台上已集資就超過4000萬元人民幣。

所以，電影已經變質，已非文化品，而係一套金融產品！

掌握財經生活資訊，即Like「蘋果ATM」fb專頁啦！
http://fb.com/appledailyatm