最近獲黃偉文(Wyman)操刀為新歌《這首歌的名字是秘密》填詞嘅鍾舒漫(Sherman)，下午上去商台做宣傳，佢受訪時再一次多謝Wyman:「成件事好感動，好多謝阿Y有留意我，而且公開地用啲咁甜蜜嘅字眼嚟讚我。」

Sherman話今年已經係入行第9年，好想喺事業上有個突破，所以認為今次係好好嘅機會:「今次除咗阿Y，佢嘅團隊會一人幫我填一首歌，計劃6月會推出。」佢仲話自己都幫手諗好多宣傳方法，好似搵其他歌手朋友拍片，而嚟緊仲有第二波嘅宣傳攻勢。

提到舊愛吳浩康日前開騷，問Sherman有無去捧場？佢話:「佢有邀請我，但我嗰日有嘢做無去到，而且唔想大家轉移焦點。」