馮仁昭四圍超：畢特南華團年飯講多過食 - 馮仁昭
蘋果日報 2011/02/01 00:00
前曼聯球星畢特，及前車路士成員嘅基士文，之前雙雙加盟南華，日前代表南華出戰大埔，點知輸波出師不利，唔開心梗係有啲，不過前晚畢特就入鄉隨俗出席南華同bma喺銅鑼灣舉行嘅團年飯局，但係基士文因病冇出現，美中不足。
當晚老闆羅傑承同老闆娘梁芷珊陪住畢特一齊到達酒家，同場仲有南華嘅陳肇麒（陳七）同文彼得等，另外bma嘅代表就有陳貝兒、梁奕倫同野仔等，足足坐滿九圍。身為老闆嘅羅傑承梗係要上台講幾句鼓勵大家，文彼得之後都唔執輸上台話：「之前輸波梗有啲失望，不過我哋答應初一嘅賀歲波一定會贏，我哋係最團結。」
當晚老闆羅傑承同老闆娘梁芷珊陪住畢特一齊到達酒家，同場仲有南華嘅陳肇麒（陳七）同文彼得等，另外bma嘅代表就有陳貝兒、梁奕倫同野仔等，足足坐滿九圍。身為老闆嘅羅傑承梗係要上台講幾句鼓勵大家，文彼得之後都唔執輸上台話：「之前輸波梗有啲失望，不過我哋答應初一嘅賀歲波一定會贏，我哋係最團結。」
陳肇麒同文彼得（左）係南華中堅分子，除咗一齊上戰場外，私下感情都唔錯。
羅傑承同老婆梁芷珊前晚出席公司同球隊嘅團年飯，陳貝兒仲陪住喺身邊。
抽空應節行花市
至於畢特全場表現都幾cool，對當晚海鮮同內臟嘅餸就好似唔多啱胃口，所以冇乜點食，就算食都係用番叉，不過同其他球員總算幾投契，間唔中都有講有笑。問到佢會唔會去行花市？畢特話有時間都會，至於日前輸波，佢都話：「唔緊要，嚟緊依然有信心，家嘅天氣都幾適應，但如果夏天就可能有啲影響。」
講到賀歲波轉播權賣咗畀now寬頻電視，羅傑承話：「音樂還音樂，體育還體育，now同廣東電視台舊年已經同我提出話好有興趣播，夾埋畀咗個offer我哋，係5萬蚊美金（約39萬港元）嘅轉播權。TVB有人聯絡過我哋，但象徵式畀贊助費我哋。」咁係咪因TVB「出唔起錢」而冇咗個播映權？羅傑承話：「唔敢講，英超轉播權都咁貴啦，係睇吓你覺得場波值唔值、有冇吸引力啫。」
講到賀歲波轉播權賣咗畀now寬頻電視，羅傑承話：「音樂還音樂，體育還體育，now同廣東電視台舊年已經同我提出話好有興趣播，夾埋畀咗個offer我哋，係5萬蚊美金（約39萬港元）嘅轉播權。TVB有人聯絡過我哋，但象徵式畀贊助費我哋。」咁係咪因TVB「出唔起錢」而冇咗個播映權？羅傑承話：「唔敢講，英超轉播權都咁貴啦，係睇吓你覺得場波值唔值、有冇吸引力啫。」