【馮仁昭四圍超】Kay拒拍阿聰 「唔搞辦公室戀情」
蘋果日報 2018/12/31 05:20
馮仁昭四圍超陳曉東張敬軒謝安琪Kay古仔勁爆
Kay前晚話冇特別諗同老公張繼聰（小圖）夫妻檔一齊工作。
謝安琪（Kay）同張敬軒前晚喺新城勁爆頒獎禮成為大贏家，Kay當中有一首同古天樂合唱《（一個男人）一個女人和浴室》作品得獎，佢喺後台講到得獎後有影相畀古仔睇：「佢話都好想嚟支持，不過要拍戲同宣傳，度期好困難，就算佢好感恩可以出席支持，都冇話會唱歌，佢一直都話唔唱現場。」
有指老公張繼聰同蕭定一滿約後，會加盟麥浚龍（Juno）公司，即同Kay同一公司，佢就代否認：「冇聽過，據我所知，老公同蕭生好愉快，雖然公司有啲變動，不過老公工作冇變，仍然有戲拍同接廣告，收入都冇影響，相信會再合作一段時間。」對於夫妻檔工作，Kay笑住話：「冇特別諗，咁大年紀唔好再搞呢啲辦公室戀情。」
有指老公張繼聰同蕭定一滿約後，會加盟麥浚龍（Juno）公司，即同Kay同一公司，佢就代否認：「冇聽過，據我所知，老公同蕭生好愉快，雖然公司有啲變動，不過老公工作冇變，仍然有戲拍同接廣告，收入都冇影響，相信會再合作一段時間。」對於夫妻檔工作，Kay笑住話：「冇特別諗，咁大年紀唔好再搞呢啲辦公室戀情。」
資料圖片
陳曉東話有恭喜舊愛張栢芝再生小朋友。
東東拒問栢芝子生父
軒仔攞到三個獎，佢主動提到天氣轉冷，劉德華喉嚨發炎取消演唱會：「華哥係一個好上心嘅人，不論對佢嘅fans、對佢嘅心情，知道要腰斬好多人都心噏，呢個演唱會一票難求，好多人都喺五湖四海到嚟，作為表演者，如果身體出事唱唔到會好內疚，好明白佢心情，希望佢快啲好番。」另外，有份做嘉賓嘅陳曉東話有恭喜舊愛張栢芝再生小朋友，問到知唔知小朋友生父係邊個，東東就話：「做朋友唔會問呢啲嘢，佢唔主動講，我唔會問。」
撰文：馮仁昭
撰文：馮仁昭