本港球迷叫賓特拿做「中堅賓」，其實呢位丹麥神鋒喺外國個朵勁好多，叫做「勳爵（Lord）」。當然，好似賓特拿咁出色嘅球員，有咁嘅雅號絕對唔出奇，話晒佢都係全球最出色嘅射手嘛（自稱）。賓勳爵家陣踢緊禾夫斯堡，但就唔係成日落場表演畀大家睇，喺有需要時先會出山拯救球隊。提到佢嘅雅號，不嬲心理質素高，活喺自己世界嘅佢就話，對佢完全冇影響。

賓勳爵接受德國傳媒訪問時講到：「最大問題係，我唔知我個花名係點樣得嚟，同埋唔明白係唔係需要笑。我其實係唔係畀人寸緊？係唔係認真㗎？我諗應該係年輕人網絡世界現像，佢哋覺得呢件事幾好。」