當年今日
關於我們

【甜蜜mode】許茹芸公開戀情: 現在的我,真的很快樂幸福﹗

蘋果日報 2013/12/03 06:00

梁詠琪楊采妮李心潔許茹芸

梁詠琪(GiGi)﹑楊采妮(Charlie)﹑李心潔同許茹芸情同姊妹,GiGi﹑心潔及Charlie先後已為人妻,好姊妹都搵到好男人,咁許茹芸又點呢?原來佢感情生活都有着落喇,今午許茹芸喺微博貼咗張同韓籍男友浪漫街頭嘅背影相,許茹芸小鳥依人挨實男友,相當甜蜜,大批粉絲送上祝福,而許茹芸亦喺微博留言: 「現在的我,真的很快樂幸福,不要懷疑自己,也許他(她)就在不遠的前方,等待著準備好的你(妳),隨時現形。大家要一起幸福喔!」唔知幾時輪到佢爆婚訊呢?

據知佢哋五個月前,喺朋友聚會中認識,男方為韓國娛樂經理人公司高層,對許茹芸一見鍾情,每逢周五至周日夜機來回台北及韓國,熱烈追求女方,因對生病嘅許媽媽貼心探望打動女方,並視對方為結婚對象。




本報娛樂版舉辦的「萬千星虧頒獎禮」已經來到第五屆,今屆口號為「全民起義,網民話事」,換言之由網民一人一票選出心目中最虧代表,包括男主角、女主角、最虧節目及最虧場面。讀者可由即日起至本月14日、晚上11時59分之前,到以下網址: http://campaign.appledaily.com/tvawards2013投票。投票結果於本月16日在本報娛樂版及網上公佈。