中國隊喺東錦賽第一仗，教練納比派出左6名U22國青隊嘅球員，但能夠臨完場前迫和南韓，一眾球員嘅表現備受讚賞。嚟到第二場，中國對住東道主日本，大半場時間都打得唔錯，同日本隊拉成均勢。可惜到最後十分鐘，中國隊嘅體力明顯下降，被日本先係84分鐘由小林悠先開紀錄，再喺88分鐘被昌子源一記遠程笠射改寫至2:0。不過，喺補時期間，張文釗為中國隊搏得12碼，由前鋒于大寶操刀得手，最後仍以2:1落敗。

而喺同日比賽，南韓憑對方李永哲嘅烏龍球，以1:0力克北韓。兩仗過去，日本以6分領先排榜首，緊隨其後嘅係有4分嘅南韓。禮拜六日韓一戰，將會決定今次亞錦賽冠軍誰屬；而一和一負得1分嘅中國，如果唔想包尾的話，就必須係對北韓嘅比賽保持不敗。

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS